Artêşa tirkî ya dagirkere û çeteyanê ci hêrişê konvoyêka sivîle kerde. Netîceyê hêrişî de doktorêk cuya xo vindî kerde û doktorêk zî birindar bi
Hêzê artêşa tirkî ya dagirkere û çeteyê girêdayeyê aye DAIŞ, El Nusra û OSO hêrişanê xo yê vera rojawanê Kurdistanî bêmaben domnenî. Hemverê hêrişanê dagirkerîye û qirkerdişî de xoverayîşê şarê herême û şervananê Hêzê Sûrîyeya Demokratîke (HSD) zî dewam kenî. Dewleta tirkî ya dagirkere û çeteyanê ci mabenê dewanê El Raşîdîye û El Kasimîye yê Til Temirî de bi topan hêrişê konvoya sivîlan kerde.
Konvoya sivîla ke wezîfedare rêxistina sivîle ya Dewrîyeyê Burmaya Azade (Free Burma Rangers) zî tede ca girwtêne de di doktorî giran birîndar bîyî. Birîndaran ra doktor Zaw Seno ke hemwelatijê Taylandî yo nêweşxane de cuya xo vindî kerde.
