Leşkerê artêşa tirkî ya dagirkere û çeteyê aye El Nusra, DAIŞ û OSO nê gaman de bi çekanê giranan hêrişê dewanê Ingel Hawa û Til Werd yê Zîrganî kenî û şervanê HSDyî cewab danî hêrişan
Hêrişê dewleta tirkî ya dagirkere û çeteyê pabesteyê aye yê vera rojawanê Kurdistanî 9ê teşrîna verêne ra nata bêmaben dewam kenî. Hêzê dagirkerî her çiqas ke adirbirnayîş bêro îlankerdene zî hewl danî ke herêmê xo yê ke dagir kerdî hîra bikerî.
Na çarçewe de dewleta tirkî ya dagirkere û çeteyê aye El Nusra, DAIŞ û OSO ewro saetanê serê sibayî ra nata bi çekanê giranan dewanê Ingel Hawa û Til Werdî yê qezaya Zîrganî ya Serêkanîyê bombardûman kenî.
Şervananê Hêzê Sûrîyeya Demokratîke (HSD) cewab danî hêrişan û pêkewtişêko giran heême de esto. Hêrişê dagirkeran nê gaman de dewam keno. Çimeyê herême dîyar kerdî ke hêzê dagirkerî eynî wext de dormeyê qezaya Zîrganî bombardûman kenî.
Derheqê netîceyê şer û pêkewtişan de xeberêka zelal nêameya girewtene. HESEKÊ
