Li Swêdê 6 endamên DAIŞ’ê yên ku di meha gulanê de hatibûn girtin, hatin berdan
Polîsên Ewlehiyê ya Swêdê, Buroya Koçberan, Dadgeha Bilind a Koçberan û Hikûmeta Swêdê diyar kirin ku 6 mele ji bo ewlehiya welat bi xetere ne û biryar dan ku wan dersînor bikin.
Dadgeha Bilind a Koçberan piştre diyar kir ku ev mele heke teslîmî welatên xwe werin kirin dê kêşeyên wan ên ewlehiyê hebin û ji ber vê jî 6 meleyên ku 6 meh in girtî ne, serbest berdan.
Li Swêdê koçberên ku der barê wan de biryara dersînorkirinê heye, mafê wan ê îtîrazkirinê heye. Biryara dawîn jî hikûmet dide. Meleyan serî li hikûmetê dan û xwestin biryara dersînorkirinê were rakirin. Ev biryar bû sedema nerazîbûnan. STOCKHOLM
