Piştî banga rûspî û şêxên li Dêrazor û Şedadê û ragihandina seferberiyê bi dehan ciwan rahiştin çekan û tev li refên parastina HSD’ê bûn
Li ser banga rûspî û şêxên li Dêrazor û Şedadê li hemberî dagirkeriya dewleta tirk a li ser bakur û rojhilatê Sûriyeyê seferberî hat ragihandin û bang li ciwanan hat kirin ku tev li refên berxwedanê bibin.
Piştî banga rûspî û şêxan bi dehan ciwan rahiştên çekan û ji bo parastina axa xwe tev li nav refên HSD’ê bûn.
Têkildarî bang û seferberiyê ciwanên ku tev li parastina axa xwe bûye axivîn.
Ciwanê bi navê Ela Xelef diyar kir ku dewleta tirk a dagirker bêyî ku cudahî têxe navbera mirovan sivîlan qetil dike û wiha got: “Li Serêkaniyê û Girê Spî delîlên vî tiştî hene. Bi sed hezaran mirovan koç kirin û gelek zarok û jin hatin qetilkirin. Ji bo ku em li hemberî dewleta tirk a dagirker şer bikin bi HSD’ê re ne.”
Ciwanê bi avê Husên Denho jî diyar kir ku armanca dewleta tirk a dagirker qetlîam e û destnîşan kir ku ji bo li dijî dagirkeriyê divê hemû kes tev li nav vê seferberiyê bibe. ŞEDADÊ
