Fermandariya Eyaleta Heftanînê ragihand ku artêşa tirk ji bo talankirina xwezaya Kurdistanê hin cerdevan û kontrayan bikar tîne û hişyarî da ku dê hêzên ku bi artêşa tirk re tevdigerên bibin hedefa hêzên wan
Fermandariya Eyaletê ya Heftanînê daxuyaniyeke hişyariyê weşand û diyar kir ku artêşa tirk hin cerdevan û kontrayan ji bo talankirina xwezaya Kurdistanê bikar tîne.
Di daxuyaniyê de hate gotin ku di operasyona dagirkirinê ya artêşa tirk k udi 23’yê tebaxa 2019’an de li herêma Heftanînê ya Herêmên Parastinê yêm Medyayê de daye destpêkirin, di navbera hêzên wan û artêşa tirk de şer didome û ev agahî hat parvekirin: “Artêşa TC a dagirker hewl dide li herêma operasyonê daran bibire û xwezaya Kurdistanê talan bike, bi vî rengî baregehan ji xwe re ava bike. Di vê çarçoveyê de dewleta TC a dagirker di serî de cerdevan hin yekîneyên kontra tîne qada operasyonê û bi rêya wan daran dibirin. Li herêmên dagirkerî lê heye şer didome û bi hincetên cuda li vê qada şer birîna daran û talankirina bedewiya xwezaya Kurdistanê sûcekî giran e. Divê gelê me nekeve van xefikan û bi baldarî tevbigere.
Em hêzên ku li qada şer xwezaya Kurdistanê talan dikin û li dijî hêzên me kar dikin hişyar dikin û dibêjin, li qada şer hêzên ku alîkariyê didin dewleta TC a faşîst a ku xaka Kurdistanê talan kiriye wê bibin hedefa hêzên me.” BEHDÎNAN
