Şervanên HSD’ê di encama operasyonên serkeftî de depoyên genim ên gundê Xefetsalimê rizgar kirin û li gundê Kefîfayê yê Girê Spî jî derbên giran li çete û leşkeran dan
Şervanên Hêzên Sûriyeya Demokratîk (HSD) di çarçoveya parastina rewa de, şevê din di saet 15:00’an de li hemberî depoyên genim ên gundê Xefetsalim ê girêdayî Girê Spî ku 10 roj berê ji aliyê çeteyên artêşa tirk ve hatibû dagirkirin, operasyonek li dar xist.
Hat zanîn ku şervanan di encama operasyoneke serkeftî de depoyên genim ji dagirkeran rizgar kir. Her wiha şervanan li gundê Kefîfa yê girêdayî Girê Spî jî bersivên tund dan komên çete û leşkerên artêşa tirk a dagirker.
Di şerê li gundê Kefîfayê de 11 çeteyên artêşa tirk hatin kuştin û cenazeyên wan li qada şer man. Her wiha 6 çete jî birîndar bûn û çekeke çeteyan kete destê şervanên HSD’ê. Şervanan cebilxane û amûrên çeteyan ên li gund jî teqandin. GIRÊ SPÎ
