HSD bi eşkerayîyêka nuştekî da zanayene ke înan roja 28ine yê Xoverdayîşê Rûmetî de derbê giranan dayî dagirkeran ro. HSDyî dîyar kerd ke 24 saetanê peyênan de 27 çete û leşkerê tirkî ameyî kiştene û 14 şervanê înan zî şehîd bîyî
Merkezê Resnayîşî yê Hêzê Sûrîyeya Demokratîke (HSD) derheqê şer û pêkewtişanê mabenê hêzê înan û hêzê dagirkeran yê dewleta tirkî û çeteyan yê 24 saetanê peyênan de eşkerayîyêka nuştekî da. HSD bi eşkerayîyêka nuştekî da zanayene ke înan roja 28ine yê Xoverdayîşê Rûmetî de derbê giranan dayî dagirkeran ro. HSDyî dîyar kerd ke 24 saetanê peyênan de 27 çete û leşkerê tirkî ameyî kiştene û 14 şervanê înan zî şehîd bîyî
Eşkerayîya HSDyî wina ya:
“TIL TEMIR
* Artêşa tirkî ya dagirkere û komê çeteyan yê girêdayeyê aye hêrişanê xo yê bi çekanê giranan û hewayî yê serê dewanê Til Temirî domnenî. Artêşa tirkî ya dagirkere bi desan reyan dewanê Menacîr, Ehras û Erîşayê bi teyareyanê bêmerdim hedef girewte û hêrişê bejahî pê arde. Hêzê ma çarçeweya pawitişê meşrû de bi hawayêko şîdetin cewab dayî hêrişan û dewanê Ehras û Menacîrî de komê çeteyan kerd hedef. Netîce de tewr tay 12 çeteyî ameyî kiştene.
ZÎRGAN
* Hêzê ma çarçeweya pawitişê meşrû de bi hawayêko şîdetin cewab dayî hêrişanê dagirkeran yê ke hêrişê dewanê Xeşîm Zîrgan, Ing El Hewa û Til Hemîdê kerdî. Netîceyê şer û pêkewtişan de 9 çete ameyî kiştene. Reyna herême de tangêk dagirkeran ame îmhakerdene û BMPyêk ame derbkerdene.
EYN ÎSA
* Artêşa tirkî ya dagirkere bi obus û tangan dewanê Qenterî û Şêrdiradê topbaran kerde. Hêzê ma cewab dayî hêrişan. Komê çeteyan badê nîmerojî hêrişê herêma El Nasirîyê kerd. Herême de mabenê hêzê ma û komê çeteyan de şerêko giran vejîya. Netîceyê şer û pêkewtişan de 6 çete ameyî kiştene.
* Roja 28ine yê şerîde pêropîya 27 çete û leşkerê tirkî ameyî kiştene û tangêk û wesayîtêk leşkeran ame îmhakerdene û BMPyêk zî ame derbkerdene.
* No xoverdayîşî de 14 embazê ma zî şehîd bîyî û 13 embazê ma zî birîndar bîyî.”
