Dewleta tirk û çeteyên wê bi çekên giran êrîşî gundewarên Eyn Îsa û rêya navdewletî dikin. Li ser bersivdayîna şervanan jî li herêmê şerekê dijwar rû da
Artêşa tirk a dagirker û çeteyên wê yên DAIŞ, El Nusra û OSO’yê di van kêliyan de bi obus û hawanan êrîşî gundewarên Eyn Îsayê û rêya navdewletî (M4) dikin.
Çavkaniyên ji herêmê ragihand ku şervanên Hêzên Sûriyeya Demokratîk (HSD) jî di çarçoveya mafê xweparastinê de bersivên tund didin hêzên dagirker. Çavkaniyan ragihand ku li ser bersivdayîna şervanan jî li herêmê di navbera şervanan û dagirkeran de şerekê giran dest pê kir.
Hat zanîn ku ji ber şer û pevçûnan rêya M4 hatiye qutkirin û çûyîn û hatin li wir xetere ye. GIRÊ SPÎ
