Dewleta tirkî û çeteyê girêdayeyê aye bi çekanê giranan hêrişê dewanê Eyn Îsa û rayîrê mîyandewletî kenî. Şervanê HSDyî zî herême de cewabanê giranan danî dagirkeran ro
Artêşa tirkî ya dagirkere û çeteyê girêdayeyê aye DAIŞ, El Nusra û OSO nê gaman de bi obus û hawanan hêrişê dewanê Eyn Îsayê û rayîrê mîyandewletî (M4) kenî.
Çimeyê herême dayî zanayen ke şervanê Hêzê Sûrîyeya Demokratîke (HSD) çarçeweya pawitişê meşrû de cewabanê giranan danî dagirkeran ro. Çimeyê xebere dîyar kerd ke cewabdayîşê şervananê HSDyî ra dima herême de şerêko giran dest pêkerd.
Ame zanayene ke şer û pêkewtişan de rayîrê M4 ameyo qutkerdene û şîyayîş û ameyîşê ewja tehluke yo. GIRÊ SPÎ
