Îranê nerazîbûn nîşanî xwepêşandanên şermezarkirinê yên li Iraq û Lubnanê da ku demeke didomin. Rayedarên Îranê îdîa kirin ku hin hêz hewl didin kesên nêzî DYA’yê bikin desthilatdar.
Rejîma Îranê nerazîbûn nîşanî xwepêşandanên li Iraqê û Lubnanê da. Serokê Fermandariya Giştî ya Îranê Tumgeneral Mûhammed Bakirî got, “Dijmin hewl didin bingeha dewletên Iraq û Lubnanê bihejînin û kesên piştevanên Emerîkayê ne bikin desthilatdar.”
Bakirî got, “DYA dixwaze şêniyên Iraqê û Lubnanê ji meqamên wan dûr bixînin.”
Tevgera Gel ku dixwaze sîstema heyî ya ku mîrateya şerê navxweyî yê li Lubnanê ye bi temamî bê guhertin, Serokwezîr Saad Harîrî û hikumeta wî neçar hiştibû ku îstifa bikin. Li Iraqê jî zêdeyî meheke ji bo têkçûna rejîmê çalakî tên kirin. Çalakiyan kir ku Serokwezîr Hadî Abdulmehdî bikeve nava tengaviyê. Ji bo rawestandina çalakiyan gelek civîn hatin kirin û biryar hatin wergirtin. Lê belê çalakî hîn jî didomin. TEHRAN
