Wezîrê karên hundir ê dewleta tirk qeyûm tayînî Şaredariya Rêya Armûşê ya Wanê kir
Hevşaredarên Partiya Demokratîk a Gelan (HDP) yên Şaredariya Rêya Armûşê Azîm Yacan û Şehzade Kurt duh hatin binçavkirin. Wezareta Karên Hundir a Tirkiyeyê jî îro li şûna hevşaredaran qeyûm tayîn kir.
Polîsan duh avahiya Şaredariya Rêya Armûşê dorpêç kirin û destûr nadin ku kesek bikeve avahiya şaredariyê. Li şûna hevşaredar Azîm Yacan, qeymeqamê navçeyê Sînan Aslan weke qeyûm tayîn kir. Nobeta endam û rêveberên HDP’ê ya li pêşiya şaredariyê jî didome.
Hêjayî bibîrxistinê ye ku dewleta tirk bi rêya qeyûman 16 şaredariyên gel ên HDP’ê xesp kirine. WAN
