Dewleta tirkî ya dagirkere û çeteyê pabesteyê aye bi çekanê giranan hêrişê dewanê Til Temîrî kenî
Hêrişê dewleta tirkî ya dagirkere û çeteyê pabesteyê aye yê vera rojawanê Kurdistanî bêmaben dewam kenî. Her çiqas ke mabenê DYA û Tirkîya de adirbirnayîş bêro îlankerdene zî dewleta tirkî ya dagirkere û çeteyê aye seba hîrakerdişê sînoran bi çekanê giranan hêrişanê xo domnenî û şervanê Hêzê Sûrîyeya Demokratîke (HSD) ke zî çarçeweya pawitişê meşrû de derbê giranan danî dagirkeran ro.
Dewleta tirkî ya dagirkere û çeteyê pabesteyê aye bi çekanê giranan û wesayîtanê hewayî yê bêmerdimî dewanê Dawûdîye, Erîşa û Kasimîye yê Til Temirî bombardûman kenî.
Reyna xeta Til Temirî de sewqîyatê leşkerî yeno kerdene. Vizêr dewanê Til Mihemmedî, Mahmûdîye û Ing El Hewa yê Til Temirî de sewqîyatê çekanê giranan û leşkeran ame kerdene. TIL TEMIR
