Derheqê Hemserekanê Pêroyînan yê HDPyî Sezaî Temellîyî û Pervîne Buldan de seba qiseykerdişê înan o ke 3. Kongreya Nizamîye ya HDPyî ya Stenbolî de kerdibi, tehqîqat ame despêkerdene
Derheqê Hemserekannê Pêroyîyan yê Partîya Demokratîke ya Şaran (HDP) Sezaî Temellîyî û Pervîne Buldan de seba qiseykerdişê înan o ke 3ê teşrîna peyêne de 3. Kongreya Nizamîye ya HDPyî ya Stenbolî de kerdibi, bi îdîaya ‘propagandakerdişê rêxistine’ tehqîqat ame despêkerdene.
Dosyaya ke derhêqê Buldane û Temellîyî de çarçewa tehqîqatî de ke hetê Serdozgerîya Komare ya Stenbol ra amebî destpêkerdene, ameye erşawitene Serdozgerîya Komare ya Anqara. Temellîyî nêrazîbîyayîşê xo mojna û va: “Ma do vatişê rastîye dewam bikê. Ma ke gamêke bierzê tehqîqat yeno akerdene. No tehqîqat gefêk o ke seba ke ma vengê xo nêvejê. Çarçewa tehqîqatî de çîyêk çin o ke bibo babeta hukmî. Se beno wa bibo ma do dewam bikê ke bibê vengê rastîye.”
Çarçewa tehqîqatî de 8 kesî ameyî tepiştene û kesêkî ra zî yeno gêrayene. STENBOL
