Operasyonêkê sereştişan de ke Qezaya Gêrganisî ya Erzînganî de ame kerdene, kitabê ‘Dersim’în Kayip Kizlari’ (Çênayê Vindîbîyayeyî yê Dêrsimî) û kitabê bîyografîyê Îbrahîm Kaypakkayayî ameyî îmhakerdene
Cendirmeyan par Qezaya Gêrganisî ya Erzînganî de eşt keyeyêkî ser. Sereştişî de dest nîya telefon û kitaban ser. Nê kitaban ra yew kitabê Dersim’in Kayip Kizlari yo ke hetê Kazim Gundoganî û Nezahate Gundogan ra ame nuştene, oyo bîn kitabê bîyografîyê Îbrahîm Kaypakkayayî bi. Kitabî dima ke ameyî ‘muxafeza’kerdene teslîmê wayîranê ci nêbî. Aqibetê kitaban dima ra eşkera bîyî. Serdozgerîya Komare ya Gêrganisî seba kitaban fermanê ‘îmha’ dabi. La mehkeme seba kitaban birra winasêne nêdabî.
Gore xebera rojnamegerê Duvarî Haci Bîşkînî bi îdîaya ‘hetkarîya rêxistine’ ame keyeyan ser eştene. Serdozgerîya Komare ya Gêrganisî seba kitaban fermanê îmha da. Zabitnameyê îmha de îmzaya 3 cendirmeyan esta. Gore zabitnameyî kitabî bi fermanê serdozgerîye dayîreyê kalorîferan de ameyî veşnayene.
