Şêniyên gundê Bîr Kinîsê bi kevir, pêlavên kevn û zebzeyên rizî leşkerên tirk ên dagirker ên tev li dewriyeya hevpar a bi rûsan re bûn pêşwazî kirin
Yek ji xalên peymana Soçiyê ya di navbera Rûsya û dewleta tirk a dagirker de ew bû ku li ser sînorê rojavayê Kurdistanê dewriyeyê hevpar biavêjin. Lê hêzên dagirker ji hêla gelê rojavayê Kurdistanê ve bi hêrseke pir mezin tên pêşwazîkirin. Her cihê ku jê re derbas dibin rastî bertekên tund ên gel tên.
Di çarçoveya peymanê de konvoya leşkerî ya hêzên Rûsya û dewleta tirk a dagirker îro ji gundê Şîrkê yê li rojavayê navçeya Dirbêsiyê dest bi gera xwe kir û ber bi gundê Bîr Kinîse yê li rojavayê gundê Şêrikê ve çû. Lê dema ku dewriye gihîşt gundê Bîr Kinîse, şêniyan kevir, pêlavên kevn û zebzeyên xirabûyî avêtin seyareyên hêzên dagirker.
Çavkaniyên ji herêmê ragihandin ku dewriyeya hêzên dagirker ber bi rojavayê navçeyê ve didome. HESEKÊ
