Li navenda Qamişloyê 3 teqînên mezin pêk hatin. Li gorî agahiyên destpêkê, di encama teqînan de 6 sivîl şehîd bûn û 40 jî birîndar bûn
Di berêvara îro saet di 15:40’an de li kolana El Wihdê ya li navenda sûka sereke ya Qamişloyê 2 seyareyên bombebarkirî hatin teqandin. Kolana El Wihdê ji kolanên bajêr ên herî sereke û stratejîk e. Tê de bi sedan dikan û gelek otêl hene. Ev kolan taxên bajêr bi hev ve girê dide.
Li gorî agahiyên destpêkê, di encama teqînê de 6 sivîl şehîd bûn û herî kêm 40 sivîl jî bi birînên cuda birîndar bûn. Hat zanîn ku rewşa niha welatiyan krîtîk e. Hat ragihandin ku lêgerîna di bin xerabeyan de jî didome. Her wiha zirarên mezin ên madî pêk hatin. Hat zanîn ku 16 dikan wêran bûn, zirarên mezin gihiştin otêla El Suferaa, kafeya El Şimû û Kêf Kafê. Her wiha 4 seyare û motorsîklêt jî şewitîn.
Piştî teqînê Hêzên Ewlekariya Hundirîn dest bi lêgerînê kir û hewl dan ku agirê bi dikan û otêlên derdorê ketine vemirîne. QAMIŞLO
