Welatiyên Kerkûkê dan zanîn ku boykotkirina malê tirkî erkek mirovî ye û diyar kirin ku li dijî dewleta tirk boykotkirin çeka herî baş e
Êrîşa dewleta tirk a li ser rojavayê Kurdistanê berdewam dike. Li hemberî dagirkeriya dewleta tirk ya li ser Rojava li başûrê Kurdistanê pêngava boykotkirina malê tirkî hatiye destpêkirin. Ev pêngav rastî eleqeyek mezin tê û her ku diçe berfireh dibe. Xelkê Kerkûkê li ser boykotkirina malên tirkî axivî û diyar kirin ku li dijî dewleta tirk çeka herî baş boykotkirin e
Welatiyê bi navê Yusif Xeyat got ku boykotkirina malê tirkî erkek mirovî ye û diyar kir ku dema welatî tiştek dikirin, êdî malê welatan dipirsin dikin, ger tirkî be nakirin.
Rewez Enwer anî ziman ku ji bo ziyanek mezin bi aboriya Tirkiyeyê bikeve û alîkariya rojavayê Kurdistanê, ew êdî malê tirkî nakire. Li gorî Rewez Enwer boykotkirin çeka herî baş ya dijî tirkiyeyê ye û destnîşan kir ku dema borî wî tenê temaşeyê dîroka mal dikir, lê niha ew temaşeyî çavkaniya mal dike, ger tirkî be nakire.
Her wiha esnafê bi navê Mihemed Ezîz jî da zanîn ku êdî malê tirkî li dikana xwe nafiroşe û aşkera kir ku ew dixwaze bi boykotkirinê ziyanê bigihîne aboriya Tirkiyeyê. KERKÛK
