Artêşa Îsraîlê bi hinceta êrîşa bi roketan êrîşî Gazzeyê kir û fermandarekî payebilind ê Îslamî Cîhad a Filistinî kuşt
Rêxistina Îslamî Cîhad ragihand ku balafirên şer ên Îsraîlê li avahiyeke li Şerîda Gazzeyê xistine û piştrast kir ku di encamê de fermandarê leşkerî Baha Ebû El Ata yê 42 salî û hevsera wî hatine kuştin.
Hate ragihandin ku êrîş li bajarokê Şecaiye yê li rojhilatê bajarê Gazzeyê hate kirin.
Rêxistina Îslamî Cîhad diyar kir ku piştî vê êrîşê ew di asta herî bilind de ketine nava alarmê û wê bi roketan li bajarên Îsraîlê yên li derdora Gazzeyê bixin.
Îsraîl xwe ji bo şerekî çend rojan amade dike
Li bajarên Îsraîlê yên li derdora Gazzeyê tim dengê sîrenê tê bihîstin û dibistan hatin girtin.
Berdevkê artêşa Îsraîlê Jonathan Concrîcûs diyar kir ku li dijî Îsraîlê gelek êrîşên bi roketan hatiye kirin û wiha got: “Peyama me ji bo Hamas û Îslamî Cîhadê wiha ye; em naxwazin alozî mezin bibe (…) lê belê em ji parastinê û senaryoyên êrîşê re amade ne.”
Her wiha berdevkê anî ziman ku ew ji şerekî ji çend rojan re amade ne. GAZZE
