Dewriya artêşa tirk a dagirker û polîsên leşkerî yên Rûsyayê gule li sivîlên ku nerazîbûna xwe li dijî dewriya artêşa dagirker nîşan dabû, reşandin
Leşkerên artêşa tirk a dagirker û polîsên leşkerî yên rûs vê serê sibê ji gundê Maris Mîle yê Kobanê ber bi herêma rojhilatê bajêr ve dest bi tûrên dewriyeya hevpar kirin.
Şêniyên Kobanê ku ji dîtina leşkerên tirk ên dagirker aciz in, kevir li wesayitên zirxî yên artêşa tirk a dagirker barandin. Lê dewriyeya artêşa tirk a dagirker û polîsên leşkerî yên Rûyeyê gule li sivîlên ku nerazîbûna nîşanî dewriyeya hevpar dan, reşandin.
Li gorî agahiyên nûçegihanên ajansa ANHA’yê ji ber gulereşandina dagirkeran li gundê Korpîngarê yê başûr-rojhilatê Kobanê 4 sivîl şehîd bûne lê nasnameya wan ne diyar e.
Her wiha dewriya artêşa dagirker gaza isotê jî li dijî sivîlên ku nerazîbûna xwe li dijî hebûna artêşa tirk a dagirker û çeteyên wê li ser axa bakurê Sûriyeyê nîşan dabû, reşandin.
Her wiha di encama êrîşa dewleta tirk a dagirker de nûçegihana Jin TV’yê Zozan Remedan Berkel û nûçegihanê Ronahî TV’yê Dilyar Cizîrî jî birîndar bûn. KOBANÊ
