Badê 37 serran dewanê roportajo ke serra 1982î de Yilmaz Guneyî reyde ameyo kerdene vejîya raşte. Dewamê roportajî arşîvê produktorê belgefîlman Suleyman Ozdemîrî de yo. Guneyî dewamê roportajê xo de fîlmê xo yê bi nameyê ‘Yol’ (Rayîr) çarçeweya problemê kurd û cinîyan de gêno dest
Dîmenêk Yilmaz Guneyî ke heta nika qet nêameyo weşênayene vejîya raşte. Dîmeno ke vejîya raşte serra 1982î de ameyo antene. Dîmen aîdê roportajo ke Nazim Alfatli seba televîzyonêk Belçîka Yilmaz Guneyî reyde viraşto yo. Roportaj pêropîya 30 deqe yo, labelê heta nika tena 20 deqeyê ci vejîyabî raşte û dewamê roportajî çin bî.
Dewamê roportajî arşîvê produktorê belgefîlman Suleyman Ozdemîrî de yo. Guneyî dewamê roportajê xo de fîlmê xo yê bi nameyê ‘Yol’ (Rayîr) çarçeweya problemê kurd û cinîyan de gêno dest. Ozdemîrî badê 37 serran hesabê xo yê medyaya komelkî de dîmenê dewamê roportajî weşêna.
Ozdemîrî dewamê roportajî aşma Gulane de hesabê xo yê medyaya komelkî de pare kerdo û Guney dewamê roportajî de qala problemê kurd û cinîyan keno. AMED
