Wezareta karên hundir a dewleta tirk hevşaredarên şaredariyên Yenîşehîr, Hezro, Hezex û Perîyê ji peywirê girtin û li şûna wan jî qeyûm tayîn kirin
Wezareta Karên Hundir a Tirkiyeyê hevşaredarên şaredariyên Yenîşehîr û Hezro yên Amedê, hevşaredarên Hezex a Şirnexê û yên Perî ya Mazgêrd a Dêrsimê ji peywirê girtin û li şûna wan qeyûm tayîn kirin.
Heta niha 3 jê şaredariyên bajarên mezin, bi giştî li şaredariyên 16 navçeyên HDP’î qeyûm hatibûn tayînkirin. Bi tayînkirina qeyûmên dawî re jî ev hejmar derket 20’an.
Hat zanîn ku li Hezex a Şirnexê polîs di serê sibehê de çûn mala hevşaredar Songul Erden û xwestin ku teblîgata girtina ji peywirê bi Erden bidin îmzekirin. Lê hevşaredar Erden teblîgat îmze nekir. Li ser vê yekê jî polîs ji malê derketin.
