HSDyî bîlançoya hêrişanê dewleta tirkî ya dagirkere û çeteyanê aye yê ke 24 saetanê peyênan de kerdî eşkera kerd. Gore naye 3 cepheyan de 6 dagirkerî ameyî kiştene. Şerî de 7 şerwanê HSDyî şehîd bîyî
Merkezê Çapemenîya Hêzê Sûrîyeya Dmeokratîke (HSD) bi beyanatêk pare kerd ke artêşa tirkî ya dagirkere û çeteyanê aye hêrişê xo yê erdî û hewayî dewam kerdî. Derheqê hêriş û şerî de ke mabênê 24 saetanê peyênan de cepheyê Zirganî, Tel Temirî û Eyn Îsayî de qewimîyayî xeberî rayaumûmîye reyde ameyî parekerdene.
Gore beyanatî artêşa tirkî ya dagirkere û çeteyanê aye bi çekanê giranan hêrişê dewanê Til El Werdî, Til Mihemedî û Til Şeîrî yê Ziragnî kerd. Til Temirî de zî artêşa dagirkere bi teyarayanê şerî yê bêmerdiman û çekanê giranan hêrişê dewanê Rihanîye û Amirîye kerd. Netîceyê cewabdayîşê hêzanê HSDyî de wesayîtêko bizirxî yê dagirkeran ame îmhakerdene. Derheqê hêrişanê cepheyê Eyn Îsayî de ame vatene: “Artêşa dagirkereanû cergan bi obus û tankan hêrişê dewanê Kefîfa, Mişêrfa û Kor Hesenî kerd. Teyarayanê şerî yê bêmerdiman herême ser o bombayî varnayî. Bi cewabdayîşê hêzanê ma şer qewimîya. Şerî de zaf çeteyê artêşa tirkî ya dagirkere ameyî kiştene û birîndar bîyî.”
Beyanatî de ame vatene: “Cewabdayîşê hêzanê ma de 6 cergî ameyî kiştene û 8 cergî zî birîndar bîyî Xoverdayîşî de 7 embazê ma şehîd bîyî û 12 embazê ma zî birîndar bîyî.”
