Şevê din li Serêkaniyê li nêzî noqteyeke çeteyên Sûltan Mûrad teqîneke mezin pêk hat. Hat zanîn ku di teqînê de herî kêm 15 dagirker hatin kuştin û gelek jî birîndar bûn
Şervanên Hêzên Sûriyeya Demokratîk (HSD) piştî lihevkirina bi dewleta tirk a dagirker a bi navbeynkariya Amerîkayê re, hêzên xwe ji Serêkaniyê û Girê Spî vekişandibûn. Li ser vê yekê hêzên dagirker ketibûn van bajaran û talan û wêraniyeke mezin pêk anîbûn.
Li gorî agahiyên ji Serêkaniyê, şevê din li qada gumrukê ya Serêkaniyê ku gelemperî koma çete ya Sûltan Mûrad lê bûn teqîneke mezin pêk hat. Çavkaniyên ji herêmê ragihand ku li gorî agahiyên destpêkê herî kêm 15 çeteyên dagirker hatin kuştin û gelek çete jî birîndar bûn.
Der barê encamên teqînê de agahiyen berfirehtir nehatin bidestxistin. SERÊKANIYÊ
