Hêzên Koalîsyona Navdewletî xwe ji baregeha leşkerî ya li Sirînê bi temamî vekişand û ber bi herêmên petrolê ve çû
Koma dawîn a Hêzên Koalîsyona Navneteweyî ya Li Dijî DAIŞ’ê ya li baregeha Sirîn a Kobanê jî ji herêmê vekişiya. Hat ragihandin ku konvoya hêzên koalîsyonê ji 50 seyareyên leşkerî pêk dihat.
Çavkaniyan da zanîn ku hêzên koalîsyonê bi temamî ji baregehê vekişiyan û piştre jî 5 panzêrên Rûsyayê derbasî baregehê bûn. Weke ku tê zanîn ev hêz tenê dê li herêmên petrolê û li herêmên ku çavkaniyên sererd û binerd lê dewlemend bi cih bibin. KOBANÊ
