Dewleta tirkî Efrînî de serrêk û nême de 227 sivîlî qetil kerde, 638 sivîlî birîndar kerde û aqûbetê 3 hezaran kesan zî dîyar nîya
Dewleta tirkî serrêk û nême ra nat Efrîn dagir kena. Dewleta tirkî Efrînî de zaf sucê şerî û qirkerdişî kerdî. Nê sucî û qirkerdişî hetê Rêxistina Heqê Merdiman ya Efrînî ra ameyî qeydkerdene.
227 sivîlî qetil kerdî
Gore xebera ANHA doneyê Rêxistina Heqanê Merdiman a Efrînî ra girewte, 20 çeleyê 2018î ra ke dewleta tirkî dest pê hêrişê Efrînî kerd, Efrînî de 167 camêrdî, 28 cinîyî û 32 domanî ameyî qetilkerdene. 87ê înan domanî 638 sivîlî birîndar bîyî.Rêxistina Heqanê Merdiman îfade kerd ke 6 hezaran ra zêdêr serebûtê remnayîşî qewîmîyayî ke tede domanî zî estî. Aqûbetê 3 hezar kesanê ke ameyî remnayene nêno zanayene.
Qirkerdişê daran
Dagirkeran Efrînî de 15 hezar zeytunêrî birnayî ke tede darê 70 serrî zî estbî. 15 hezar wersêrî û dara greyfurtî zî hetê dagirkeran ra talan bîyî. Gore Rêxistina Heqê Merdiman mabênê 3 û 5 mîlyonan de darî hetê dagirkeran ra ameyî talankerdene. Dagirkerîya Efrînî ra ver şaristanî de 300 tesîsê zeytunan bibî, nika zî 160 tesîsî estî. Seba ke dewleta tirkî tesîsan ra haraç gêna kantonî de viraştişê sabunan bîyî kêm. Berardişê berhemanê bazirganîye de se ra 25 kêmîye esta.
Çime: Cafer Cafo/ŞEHBA – ANHA
