Endama Meclîsê Şaredarîya Bajarê Girdî ya Amedî Şehrîban Zugurluye bi îdiayê ‘Hetkarîya rêxistinê’ û ‘Propagandaya rêxistine kerda’ ra ameye tepiştene
Badê ke bi qerarê Wezîrîya Karê Zerre qeyûm tayînê xeylê şaredarîyanê kurdan ameyî kerdene, Rêxistina Partîya Demokratîke ya Şaran (HDP) ya Amedî seba şermizarkerdişê tayînkerdişê qeyûman waşte ke eşkerayîyek bida. Polîsan destûr nêayî ke eşkerayî bêra dayene û pêkewtiş vejîya. No hedîse de Endama Meclîsê Şaredarîya Bajarê Girdî ya Amedî Şehrîban Zugurluye keyeyê xo yê Kayapinarî de hetê polîsan ra girîya binê çiman.
Badê karê asayîşî Şehrîban Zugurluye hetê mehkema ra bi îdiayê ‘Hetkarîya rêxistinê’ û ‘Propagandaya rêxistine kerda’ ra ameye tepiştene. Polîsan Zugurluye berdî Zîndanê Cinîyan yê Padaye yê Tîpa Tyî yê Amedî. AMED
