Şaredarê Mereşî yê AKPyî Hayrettîn Gungorî zîyaretê esnafan de cinîyêka tarabzonijî ra wina va: “Ma şima misilman kerd.” Reaksîyonan ra dima Gundorî ozur waşt
Şaredarê Mereşî yê AKPyî Hayrettîn Gungorî merkezê bajarî de kewt zîyaretê esnafan. Gungorî qiseykerdişê xo yê cinîyêka tarabzonijî reyde wina va: “Ma şima misilman kerd.”
Goreyê xeberêka Arti Gerçekî, Gungorî wexto ke museno cinîyêka ci reyde qisey kena Trabzonî ra ya vano: “Ma şima misilman kerd.” Nê vatişî ra dima cinîye şaş manena û vana ‘No çî yo’ û reaksîyon nîşanê Gungorî dana. Badê ke dîmenê hedîse televîzyon û rojnameyanê herêmî de yenî weşênayene, reaksîyonê vera Gungorî zêdîyayî. Şaredarê Bajarê Girdî yê Trabzonî Mûrat Zorlûoglû û Parlamenterê Partîya Îyî yê Trabzonî Huseyîn Orsî zî reaksîyon nîşanê Gungorî dayî. Reaksîyonan ra dima Gundorî ozur waşt.
