Mamosteya Zimanê Kurdî Zehra Mohammadî ji ber ku bi zimanê kurdî ders da zarokan dê ji aliyê rejîma Îranê ve bê darvekirin
Mamosteya Zimanê Kurdî Zehra Mohammadi ya ku ji bajarê Sannadajê yê rojhilatê Kurdistanê ye di 23’yê gulana 2019’an de bi hinceta ‘Propagandaya li dijî dewletê’ û ‘Tevgera li dijî ewlehiya neteweyî’ ji aliyê rejîma Îranê ve hat binçavkirin. Di heman demê de Ribvar Manbari û Edris Manbari jî bi Zehra Mohammadi re hatibû binçavkirin lê ji ber ku wan kefalet dan hatin berdan. Zehra Mohammadî tevî ku kefalet da jî nehat berdan.
Lê hat ragihandin ku rejîma Îranê dixwaze Zehra Mohammadî bi darve bike.
Di heman demê de Komara Îslamî ya Îranê jina kurd û aktîvîst Serare Elugasi jî di 15’ê mijdarê de darve kiribû.
Xwişka Zehra Mohammadî, Kanî Mohammadî derbarê rewşa xwişka xwe de axivî û diyar kir ku xwişka wê Zehra nexweşiya wê ya rêvî hebûye lê ji ber ku hatiye girtin dermanên wê nayê dayin. Kanî Mohammadî anî ziman ku ji ber ku şertên girtîgehê pir zor in, xwarinên wê gelekî xirabin loma Zehra di heman demê de bi nexweşiya mide ketiye û mideya wê kul bûye.
