Ji bo şermezarkirina êrîşên dewleta tirk û çeteyên wê yên li dijî rojavayê Kurdistanê, welatiyên Dêrazorê daketin qadan. Welatiyan diyar kirin ku dê berxwedana xwe ya li dijî dagirkeriyê bidomînin
Bi armanca şermezarkirina êrîşên dagirkeriyê yên dewleta tirk a dagirker û komên çete yên girêdayî wê yên li dijî rojavayê Kurdistanê, şêniyên gundên Şeafa, Baxozê û bajarokê Hecînê yên Dêrazorê daketin qadan.
Welatî li pêşiya Meclisa Gel a Hecînê kom bûn û li têketina bajarê Hecînê yê bejahiya rojhilatê Dêrazorê rawestiyan. Çalakvanan pankartên ‘Em gelên Dêrazorê bi yek dengî ji hişmendiya Osmaniya nû re dibêjin na’, ‘Ji hevpeyman û lihevkirinên li dijî zarokên me re na’ û ‘Em ê bêzar nebin û li hemberî lihevkirinan serî netewînin’ vekiribûn.
Di çalakiyê de hevserokê Şaxa Buroya Malbatên Şehîdan a Bejahiya Dêrazorê Abdulxenî El Lewha axivî û êrîşên artêşa tirk ên li ser herêmên rojavayê Kurdistanê şermezar kirin. El Lewha em weke şêniyên Dêrazorê em ê berxwedana xwe ya li dijî êrîşên li ser xaka xwe berdewam bikin.
Meş bi dirûşmên ‘Bijî berxwedana HSD’ê’ bi dawî bû. DÊRAZOR
