Hêzên dagirker ên dewleta tirk û çeteyên wê êrîşî gundê Şergirak ê Eyn Îsayê û rêya M4 a li nêzî Eyn Îsayê kirin. Li ser bersivdayîna şervanan jî li herêmê şerekî giran diqewime û heta niha tangeke dagirkeran ji hêla şervanan ve hatiye teqandin
Êrîşên artêşa tirk a dagirker û çeteyên wê yên El Nusra, DAIŞ û OSO’yên li dijî rojavayê Kurdistanê bênavber didomin. Hêzên dagirker ên ku rojane agirbesta li herêmê binpê dikin, niha jî êrîşî gundên Eyn Îsayê dikin.
Çavkaniyên ji herêmê da zanîn ku hêzên dagirker ên artêşa tirk û çeteyên wê êrîşên xwe yên bi tang û wesayîtên zirxî yên li xeta gundê Şergirakê û rêya M4 a nêzî navçeya Eyn Îsayê didomînin. Li dijî van êrîşan jî şervanên Hêzên Sûriyeya Demokratîk (HSD) bersivên tund didin hêzên dagirker.
Hat zanîn ku piştî dewriyeya Rûsya û dewleta tirk a dagirker a li ser rêya M4’ê, artêşa tirk a dagirker û çeteyên wê bi tang û panzeran êrîşî depoya gundê Şergirakê ya Eyn Îsayê kirin û depo dorpêç kirin. Tangên artêşa tirk a dagirker derketin ser rêya M4 a stratejîk a nêzî navçeyê û depoya gundê Şergirakê. Hat zanîn ku şervanan li vê herêmê tangek rûxand.
Li gorî agahiyan, li derdora navçeya Eyn Îsayê şerekî giran heye. HESEKÊ
