Endamîya 6 endamanê HDPyî yê meclîsê şaredarîya Baglarî yê Amedî ameyî xespkerdene
Îqtîdarê AKP-MHPyî 21ê teşrîna verêne de wezîfeyê endamanê HDPyî yê meclîsê şaredarîye Nurettîn Bakan, Halîme Bayram, Husnu Aslan, Mehmet Akdogan, Panayir Çelîk û Naşîde Buluttekîn Can xesp kerdî.
Nê endaman ra herinda Mudirîyetê Ciwanan û Sporî Mehmet Masum Ayhanî de wekîlê Mudirîyetê Zîretî û Daristanan ê Baglarî Ferhat Tunç, herinda Mehmet Akdoganî de Mudira Karanê Nuşteyan Nevîde Çakir, herinda Panayir Çelikî de Mudirê Şubeyê Perwerdeyê Neteweyî Îzettîn Zengîn, herinda Naşîde Buluttekîn Can de Mudirê Serekîya Weqfa Hetkarîye û Paştdayîşê Komelî Firat Batmaz û herinda Nurettîn Bakanî de zî Mudirê Malan ê Baglarî hetê qeyûmî ra ameyî tayînkerdene. AMED
