Komên çete yên girêdayî dewleta tirk li navçeyên Efrînê 5 welatiyên sivîl revandin. Çarenûsa welatiyên hatine revandin nayê zanîn
Dewleta tirk a dagirker û çeteyên wê yên El Nusra, DAIŞ û OSO’yê binpêkirinên xwe yên li Efrînê yên li dijî gelê Efrînê bênavber didomînin. Di vê çarçoveyê de hêzên dagirker welatiyan direvînin, digirin, dikujin û mal û milkê wan jî talan dikin.
Çavkaniyên ji Efrînê da zanîn ku koma çete ya El Hemzat ku raste rast girêdayî dewleta tirk e, di 14’ê mijdarê de li gundê Basûtê yê Şêrawa ya Efrînê şêniyên bi navên Elî Xelîl Xalid, Heyder Semîr Wilo, Hemze Xalid û Hisên Dimso revandin. Hat zanîn ku şêniyên ku revandine birin girtîgeha li navenda Efrînê û heta niha çarenûsa wan nayê zanîn.
Her wiha çavkaniyekê ji navçeya Şiyê jî ragihand ku çeteyên Sultan Suleyman Şah (Emşat) ku girêdayî dewleta tirkin jî di 17’ê mijdarê de şêniyê bi navê Mihemed Mûstafa Şêxo (32) revand. Çarenûsa Şêxo nayê zanîn. EFRÎN
