HSDyî bi eşkerayîyêke da zanayene ke roja 42ine yê Xoverdayîşê Rûmetî de zî hêzê artêşa tirkî ya dagirkere û çeteyê girêdayeyê aye hêrişanê xo yê dagirkerîye domenenî. HSD dîyar kerd ke nê hêrişan de 2 şervanê înan şehîd bîyî
Merkezê Resnayîşî yê Hêzê Sûrîyeya Demokratîke (HSD) derheqê şer û pêkewtişanê mabenê hêzê înan û hêzê dagirkeran yê dewleta tirkî û çeteyanê girêdayeyê aye yê vera rojawanê Kurdistanî de eşkerayîyêka nuştekî da.
HSDyî da zanayene ke roja 42ine yê Xoverdayîşê Rûmetî de zî hêzê artêşa tirkî ya dagirkere û çeteyê girêdayeyê aye hêrişanê xo yê dagirkerîye serê pêroyê herême de biçekanê giranan û teyareyanê bêmerdimî domenenî.
Eşkerayîya HSDyî wina yo:
“ZÎRGAN
* Artêşa tirkî ya dagirkere û çeteyê pabesteyê aye binê pawitişê teyareyanê bêmerdimî de hewl dayî ke hêrişê dewa Til Werde ya Zîrganî bikerî. Sewbîna komê çeteyan dewa Um Xeşeba de têgêrayîşê xo yê dagirkerîye zêdînayî.
EYN ÎSA
* Artêşa tirkî ya dagirkere bi çekanê giranan hêrişê raşteyanê sivîlan yê herêma Ebû Sirayê kerde û eynî wext de herême bi tank û topan bombardûman kerde. Dewa Cirn û Xirbet Farisî de zî komê çeteyan yê artêşa dagirkere hewl dayî ke dagirkerîya xo hîra bikerî.
* Netîceyê hêrişanê top û teyareyanê bêmerdimî de pêropîya 2 embazêmaşehîd bîyî.”
