Buroya Kar û Barên Rêxistinên Mirovî têkildarî êrîşên dewleta tirk daxuyaniyek dan. Buroyê da zanîn ku di encama êrîşê de herî kêm 300 hezar kes koçber bûn û 86 hezar xwendekar ji mafê xwe yê perwerdeyê bûn
Buroya Kar û Barên Rêxistinên Mirovî ya Rêveberiya Xweser a Bakur û Rojhilatê Sûriyeyê têkildarî encamên êrîşên dagirkeriyê yên dewleta tirk û çeteyên wê yên El Nusra, DAIŞ û OSO’yê yên li dijî rojavayê Kurdistanê daxuyaniyek da çapemeniyê. Daxuyanî li Navenda Daîreya Têkiliyên Derve ya Rêveberiya Xweser a Bakur û Rojhilatê Sûriyeyê ya li Qamişloyê bi beşdariya serokê Buroya Kar û Barên Rêxistinên Mirovî û nûnerên Heyva Sor a Kurdî hate dayîn. Daxuyanî ji hêla serokê buroyê Abdulqadir Miwehed ve hate xwendin.
Di daxuyaniyê de hat destnîşankirin ku bi destpêkirina êrîşên dewleta tirk ên li dijî herêmên Bakur û Rojhilatê Sûriyê re, pêleke mezin a koçberiyê ji gund û bajarên li herêmê çêbû. Miwehed da zanîn ku li gorî daneyên ber destê wan, zêdetirî 300 hezar kes ji herêmê koçber bû û 86 hezar xwendekar jî ji xwendina xwe bêpar man.
Herî dawî jî Abdulqadir Miwehed ev agahî dan: “Raporên ku ji hêla rêxistinên navdewletî ve der barê koçberan de tên ragihandin, zelal nînin. Îdiayên ku dibêjin piştî dagirkeriyê jî koçber li herêmên xwe vegerîne, rast nînin.” QAMIŞLO
