Yekemîn Kongreya Meclisa Gel a Demokratîk li Wargeha Penaberan a Şehîd Rûstem Cûdî hate lidarxistin. Di kongreyê de hat gotin ku gelê kurd di pêvajoyeke hesas re derbas dibe û ji bo serkeftinê divê berxwedaneke xurtir bê nîşandan
Yekemîn Kongreya Meclisa Gel a Demokratîk a Wargeha Penaberan a Şehîd Rûstem Cûdî (Mexmûr), bi dirûşma ‘Avakirina pergala demokratîk, avakirina jiyana azad e’ û bi tevlêbûna 320 delegeyan dest pê kir. Kongre bi deqeyek rêzgirtinê dest pê kir. Piştre jî hevseroka Meclisa Gel a Demokratîk Filîz Budak axivî.
Filîz Budak di serî de kongre li Rêberê Gelê Kurd Abdullah Ocalan, şervanên di çeperan de li ber xwe didin, li berxwedana rojavayê Kurdistên û li hemû delege û mêhvanan pîroz kir. Budak got ku ew kongreya xwe di demekî ku her çar aliyên Kurdistan û cîhênê di nava alozî û krîzên cur be cur de pêk tînin û wiha dom kir: “Divê em di vê pêvajoyê de bi avakirina pergala demokratîk û jiyan azad re bi ser bikevin. Pêşeroja me hemû yan di vê pêvajoyê de dê diyar bibe. Yek ji van jî cenga mezin a li Rojava ye. Ji bo serkeftina li Rojava divê em xurtir li ber xwe bidin.”
Piştî axaftina destpêkê jî dîwana kongreyê hate hilbijartin. Kongre bi nîqaşan didome. MEXMÛR
