Li Bexdayê ya ku paytexta Iraqê ye, di xwepêşandanan de 2 kesên din jî mirin û 38 kes jî birîndar bûn
Li Bexdayê bi bombeyên gazê êrîşî xwepêşanderan hate kirin. Bombeyên gazê li serê du çalakgeran ketin û herdu jî mirin.
Li gorî qeydên nexweşxane û hêzên ewlehiyê 38 kes jî birîndar bûne. Li gorî nexweşxaneyê hinek kes bi guleyên rastîn birîndar bûne.
Li Iraqê piştî sala 2003’an ku rejîma Saddam Huseyîn hilweşiyabû, çalakiyên protestoyê yên girîng tên kirin. Ji 1’ê Cotmehê û heta niha li hemberî kesên ku li ser pişta gel dewlemend bûne çalakî tên lidarxistin û di van çalakî û xwepêşandanan de herî kêm 300 kes hatin kuştin. BEXDA
