Kitabxaneyê Lîlavî bi wesîleya 25ê Teşrîna Peyêne Roja Têkoşînî yê Mîyanneteweyî yê Vera Şîdetê Serê Cinîyan kitabanê nuştoxanê cinîyan de se ra 25 erjanîye viraşt
Kitabxaneyê Lîlavî bi wesîleya 25ê Teşrîna Peyêne Roja Têkoşînî yê Mîyanneteweyî yê Vera Şîdetê Serê Cinîyan kitabanê nuştoxanê cinîyan de se ra 25 erjanîye viraşt. Wayîrê kitabxaneyî kitabanê nuştoxanê cinî û kitabanê derheqê cinîyan de se ra 25 erjanîye viraştî û kampanya do heta 25ê teşrîna peyêne dewam bikera.
Berpirsîyara Kitabxaneyê Lîlavî Rabîa Karayile daye zanayene ke hedefê înan ekonomî nîyo û ê wazenê ke bi taybetî bale biancî şîdetê serê cinîyan ser. Rabîa Karayile qiseykerdişê xo de dîyar kerde ke aye şîdetê serê cinîyan şermizar kena û wina va: “Ma do heta 25ê Teşrîna Peyêne kitaban de erjanîye bikerî. Ma kitabanê cinîyan de se ra 25 erjanîye virazenî. Bi no hawa ma wazenê ke bale biancî şîdetê serê cinîyan. Ma wazenê ke her kes nê kitaban biwano. Ma sey berpirsîyarîyêka komelkî ewnîyenî rewşe. Şîdet tena fîzîkî nîyo. Her hetî de şîdet esto. Eke tedbîrî nêrî girewtene do şîdet û kiştiş bizêdîyî. Ma şîdetî rê vanî nê.” AMED
