Keyeyê Rayberê PKKyî Abdullah Ocalanî û keyeyanê hîrê tepişteyanê bînan ê ke Îmralî de yê seba pêvînayîşî muracat kerdî
Birayê Rayberê PKKyî bdullah Ocalanî Mehmet Ocalan û warisê ci Mazlûm Dînçî seba ke roja Dişemeyî bieşkê şirê Îmrali muracatê Serdozgerîya Komare ya Bursa kerdî.
Tepişteyanê Îmralî ra birayê Hamîlî Yildirimî Polat Yildirim, birayê Omer Hayrî Konarî Emîn Konar û waya Veysî Aktaşî Melîhe Çetîne û kênaya ci Eylem Çetîne bi rayîrê avûkatan muracatê pêvînayîşî kerdî.
Avûkatanê Ocalanî Newroz Uysal û Rezan Sarica badê 8 serran 2ê Gulane, 22ê Gulane, 12ê Hezîrane, 18ê Hezîrane û tewr peynî zî 7ê Tebaxe de Ocalanî reyde pêvînayîş pê ardbî.
7ê Tebaxe ra nata destûr nîno dayene ke avûkatê Ocalanî şêrî Îmrali û tu hawayî cewab nêdîyeno seba muracatanê pêvînayîşî yê avûkatan. STENBOL
