Artêşa tirk a dagirker û çeteyên wê ku ev çend roj in bi çekên giran bê navber êrîşî Eyn Îsa dikin, amadekariya êrîşeke nû dikin
Êrîşên artêşa tirk a dagirker û çeteyên wê yên li dijî rojavayê Kurdistanê bê navber didomin. Şervanên HSD’ê jî bersiva êrîşan didin û derbên giran li dagirkeran didin.
Ji duh êvarê heta ber destê vê sibê êrîşên artêşa tirk a dagirker û çeteyên wê yên li ser gundên Mueleq û Wastayê yên Eyn Îsa dewam kirin. Hat ragihandin ku şervanên HSD’ê di encama berxwedaneke mezin de ev êrîş şikandine. Her wiha balafirên bê mirov ên bi çek jî kampa koçberan ya Eyn Îsa û gundên derdora wê bombebaran kirin.
Ji aliyê din ve li derdora gundên Seyda û Xalidî tevgera tankan ên dagirkeran heye û balafirên bê mirov jî li ser herêmê digerin. Tê gotin ku artêşa tirk a dagirker û çeteyên wê amadekariya êrîşeke berfireh li dijî kampa Eyn Îsa û rêya navneteweyî M4 dikin. EYN ÎSA
