Yewîyanê Antîteroran ê ke pabesteyê Meclîsê Leşkerî yê Minbicî yê çeteyê DAIŞî yê ke sey hucreyêk gureyayêne û keyeyê DAIŞî kampî ra remnayêne berdêne Tirkîya tepiştî
Buroyê Îrtîbatî yê Meclîsê Leşkerî yê Minbicî babete ser o beyanatêk da û vat: “Yewîyanê Antîteroran xebatî taqîb kerdî û hucre çin kerd. Nê hucreyî kerdêne ke cerganê DAIŞî yê Kampa Holî biremnê û derbazê Tirkîya yan zî herêmanê bînan bikê.”
Buroyî pare kerd ke endamê hucreyî wexto ke xîret kerdêne 6 cinîyê DAIŞî û cergêkê bînî yo ke şerê Dêra Zorî de birîndar bibi Kampa Holî ra biremnê herêmanê bînan ê ke binê îşxalê artêşa tirkî de yê ameyî tepiştene.
Gore beyanatê Buroyê Îrtîbatê Meclîsê Leşkerî yê Minbicî cergêkê bi nameyê ‘Ebû Nacî’ îtîraf kerd ke fermandarê cergan Ehrar El-Şamî herêmêka ‘Mertalê Firatî’ de yo: “No hucre seba ke wezîfedarê hucreyî endamanê DAIŞî û keyeyanê înan biremnê Tirkîya û herêmanê ke binê kontrolê Tirkîya de yê bi fermanê Tirkîya ame awankerdene.
Cergî ‘Ebû Nacî’ îtîraf kerd ke şaristananê Minbic û Hesekê de zaf teqayîşî kerdî ke netîceyê înan de bi desan sivîlî şehîd bîyî. MINBIC
