Hêzên Ewlekariya Hundirîn motorsîklêteke bombebarkirî ku li nêzî çarxerêya Basil a li taxa Xiwêran a Hesekê hatibû bicihkirin, bêbandor kir
Dewriyeyeke Hêzên Ewlekariya Hundirîn di dema gera xwe ya ser rêya li nêzî Çarxerêya Basil a li taxa Xiwêran a Hesekê, motorsîklêteke bombebarkirî ku hatibû sekinandin, ferq kir.
Li ser vê yekê Hêzên Ewlekariya Hundirîn motorsîklêt lêkolîn kir û bang li tîmên taybet ên rakirina mayînan kir. Bi agahdarkirina hêzên ewlekariyê re tîmekê rakirina mayinan hate cihê bûyerê. Hêzên ewlekariyê da zanîn ku li motorsîklêtê zêdetirî 5 kîloyên madeya TNT’ê hatibû barkirin. Her wiha di motorsîklêtê de cîhazekî ku ji bo teqandina wê hatibû bicihkirin jî hate dîtin.
Hêzên ewlekariyê beriya ku motorsîklêt were bêbandorkirin, qada bûyerê dorpêç kir û sivîl ji herêmê dûrxistin. Motorsîklêta bombebarkirî ji hêla tîmên taybet ve bi hostayî hate bêbandorkirin. HESEKÊ
