Rejîma Îranê li hemberî çalakvanên ku ji bo protestokirina bihayê benzînê daketin qadan tundiyeke mezin bi kar anî. Di vê çarçoveyê de li rojhilatê Kurdistanê herî kêm hezar kes binçav kirin
Rêxistina Mafên Mirovan Gegawê têkildarî çalakiyên li Îranê de daxuyaniyek da. Li gorî agahiyên ji rêxistinê, di encama destwerdana hêzên rejîma Îranê ya di van rojên dawî de hejmara kesên ku li bajarên rojhilatê Kurdistanê hatine binçavkirin, hezar kes derbas kir.
Li gorî agahiyên ji vê saziyê, li bajarên Kirmaşan, Ciwanro, Sine, Merîwan, Îlam, Urmiye, Mîhran û Bûkanê hêzên rejîma Îranê bi tundî êrîşî xwepêşandêran kir û zêdetirî hezar kes binçav kirin.
Di daxuyaniya rêxistina mafên mirovan de hat destnîşankirin ku heta niha navê 40 welatiyên ku hatine binçavkirin gihiştiye ber destê wan. Li gorî daxuyaniya Gegawê navên kesên ku hatine binçavkirin wiha ne:
CIWANRO
Rêbiwar Seyd Rustemî, Şaban Murîdî, Wehîd Ebdî, Emced Şamhemedî, Umran Weledî, Makwan Suleymanî, Erkan Suleymanî, Ferîd Mehmûdî, Îbrahîm Neqdî, Sadiq Osmanî, Emîn Keseb û Mihemed Îbrahîm.
MERÎWAN
Meysem Muhemedî, Luqman Xurab, Irşad Xonzer, Sedîq Ezîzî, Porya Elî Por û Elî Tacer.
SINE
Rêşad Muhemed Por, Daryoş Seyarî, Sîwan (Paşnavê wî nehat zanîn), Sayir Qedîr, Emîr Xalidî û Muhemed Zarî.
URMIYE
Nehû Emînî, Rizgar Sedaqet û Seîd Muhemed Zade.
KIRMAŞAN
Riza Cebarî, Mubîn Muradî, Muhemed, Elî Zulfeqar Neseb û Mihemed Diyarî.
ÎLAM
Zuhrab Eabî, Muhemed Weysî, Reza Ehmedî û Mehîn Rezaq.
MÎHRAN
Emîr Hesen Cibran
BOKAN
Suleyman Nadirî û Sadiq Xizirî.
