HSD’ê bi daxuyaniyekê encama şer û pevçûnan ên di roja 47’emîn a Berxwedana Rûmetê de parve kir. HSD’ê destnîşan kir ku di roja 47’emîn de jî êrîşên dagirkeriyê domiyan
Navenda Ragihandin û Çapemeniyê ya Hêzên Sûriyeya Demokratîk (HSD) encamên şer û pevçûnên di roja 47’emîn a Berxwedana Rûmetê de bi daxuyaniyekê bi raya giştî re parve kir. Di daxuyaniyê de HSD’ê destnîşan kir ku artêşa tirk a dagirker û çeteyên wê di çarçoveya berfirehkirina tevgera xwe yê dagirkirina herêmê de êrîşên xwe yên nû yên biplankirî bê navber domandin.
Daxuyaniya HSD’ê wiha dom kir:
“TIL TEMIR
* Artêşa tirk a dagirker û komên çete ji bejahiyê ve bi piştgiriya tang, top û çekên giran, êrîşî çeperên şervanên Meclisa Leşkerî ya Suryan ên li gundê Dawidiyê kirin.
EYN ÎSA
* Artêşa tirk a dagirker û çeteyên wê bi piştgiriya balafirên bêmirov, bi tang û topan, tevgera xwe ya dagirkirinê û êrîşên xwe didomînin. Her wiha artêşa dagirker bi obûsan êrîşî noqteyekî hevbeş a hêzên me û leşkerên artêşa Sûriyeyê kir.
QIZ ELÎ
* Artêşa tirk a dagirker û çeteyên wê bi piştgiriya balafirên bêmirov û çekên giran, êrîşek pêk anî.”
