Îran de verê 10 rojan şar hemverê rayîrberîya welatî de sere wedarna û ame vatene ke heta nika tewr tay 143 ameyî kiştene
Goreyê eşkerayîya Rêxistina Efû ya Mîyanneteweyî (Amnesty International) çalakîyanê Îranî ke 15ê teşrîna peyêne de semedê protestokerdişê vayeya benzînî destpêkerdbî de hûmara çalakgeranê ke cuya xo vindî kerdî goreyê texmînanê verênan hîna zêde ya. Goreyê eşkerayî hûmara kesê ke hetê rejîmî ra ameyî kiştene 143 kesî ya.
Eşkerayî de ame vatene ke verê nika ameyêne vatene ke hûmara kesê ke heta nika hêrişanê rejîmî de cuya xo vindî kerdî 106 kesî ya. Eşkerayî de ame vatene ke ganî komelê mîyanneteweyî vera hêrişanê rejîmî de bêveng nêmanî û beno ke hûmara kesê ke serewedarnayîşê şarî de cuya xo vindî kerdî hîna zêde biba.
