Hemşaredara Stewrî Gulîstane Oncu, Hemşaredara Şermexî Nalane Ozaydin û Hemşaredara Dêrikî Mulkîye Esmez ameyî tepiştene
Hemşaredara Stewrî Gulîstane Oncu, Hemşaredara Şermexî Nalane Ozaydin û Hemşaredara Dêrikî Mulkîye Esmez yê Partîya Demokratîke ya Şaran (HDP) û 4 xebatkarê şaredarîye 15ê teşrîna peyêne de ameybî destbendkerdene. Muameleyê îfadeyanê her hîrê hemşaredar û xebatkaran asayîşî de 12 rojan ra dima vizêr şan qedîya.
Hemşaredar û xebatkarê şaredarîye serê sibayî ameyî berdene bi Edlîye. Hemşaredarê ke dozgerîye derheqê înan de tehqîqat kerd, bi waştişê tepiştişî sewqê mehmeke ameyî kerdene. Hîrê şaredarî bi heman waştişî ameyî tepiştene. MÊRDÎN
