Komên çete yên girêdayî dewleta tirk zextê li ciwanên Efrînê dikin ku bibin ‘Polîsên leşkerî.’ Hat zanîn ku ciwanên vê yekê red dikin jî çete 5 hezar dolaran jê distînin
Binpêkirinên dewleta tirk a dagirker û komên çete yên girêdayî wê yên weke El Nusra, DAIŞ û OSO’yê yên li Efrînê bênavber didomin. Hêzên dagirker ên ku rojane welatiyan direvînin, digirin, îşkence dikin û dikujin, niha jî tevlêbûna ‘Polîsên leşkerî’ li ciwanên Efrînê ferz dikin.
Li gorî agahiyên ji çavkaniyên Efrînê, koma çete ya bi navê Fesîlê Sultan Silêman Şah (El Emşat) ku raste rast girêdayî dewleta tirk e, şêniyên kantona Efrînê ya dagirkirî neçar dikin ku tev li nava ‘Polîsên leşkerî’ yên girêdayî artêşa tirk a dagirker bibin.
Çavkaniyan ragihand ku her kesên ku vê biryarê red dikin jî komên çete bi darê zorê 5 hezar dolaran jê distîne. EFRÎN
