Asayîşa PDK’ê ya li Deriyê Sînor ê Sêmelkayê, 12 ciwanên başûrî yên ji bo piştgiriya bi Rojava re derbas bûbûn û xwestin vegerin, binçav kirin. Ji ciwanên ku ev nêzî hefteyeke binçavkirî ne tu agahî nayên girtin
Bi destpêkirina êrîşên dagirkirin û qirkirinê yên dewleta tirk a dagirker û çeteyên wê yên El Nusra, DAIŞ û OSO’yê yên li dijî rojavayê Kurdistanê, ji başûrê Kurdistanê gelek ciwanan berê xwe dan Rojava û tevli refên berxwedanê bûn.
Ji bo piştgiriya bi berxwedana gelê rojavayê Kurdistanê re, 12 ciwanên ji başûrê Kurdistanê jî derbasî Rojava bûbûn. Hat zanîn ku ciwanên ku dixwestin vegerin Başûr, li Deriyê Sînor ê Sêmalkayê ji hêla asayîşa PDK’ê ve hatin binçavkirin.
Li gorî agahiyan, ji ciwanên ku ev nêzî hefteyeke hatine binçavkirin tu agahî nayên girtin. Aqûbeta ciwanan nayê zanîn. Têkildarî sedema binçavkirina ciwanan jî asayîşa PDK’ê tu agahiyan nade.
