Keyeyê Rayberê PKKyî Abdullah Ocalanî û keyeyanê hepsîyanê bînan yê ke Îmraliyî de yî seba pêvînayîşê Îmrali muracatê Serdozgerîya Komare ya Bursa kerdî
Birayê Rayberê PKKyî Abdullah Ocalanî û wasîyê ci Mazlum Dînçî seba ke şorê Îmrali muracatê Serdozgerîya Komare ya Bursa kerdî.
Keyeyanê tepişteyanê bînan ê Îmraliyî birayê Omer Hayrî Konarî Emîn Konarî, birayê Hamîlî Yildirimî Polat Yildirimî û waya Veysî Aktaşî Melîhe Çetîn û kêneya aye Eyleme Çetîn bi rayîrê avûkatanê xo muracatê serdozgerîye kerd ke şorê Îmrali.
Avûkatanê Ocalanî Newroz Uysal û Rezan Sarica badê 8 serran 2ê Gulane, 22ê Gulane, 12ê Hezîrane, 18ê Hezîrane û tewr peynî zî 7ê Tebaxe de Ocalanî reyde pêvînayîş pê ardbî.
7ê Tebaxe ra nata destûr nîno dayene ke avûkatê Ocalanî şêrî Îmrali û tu hawayî cewab nêdîyeno seba muracatanê pêvînayîşî yê avûkatan.
Keyeyan tewr peynî 12ê Temmuze de Îmrali de pêvînayîş pê ardbî. STENBOL
