Çalakiya nobedê ya ku di sala 2012’an de li pêşiya Parlamentoya Ewropayê ji bo azadiya Rêberê Gelê Kurd Abdullah Ocalan hatibû destpêkirin, di hefteya 388’an jî dom kir
Nobeda Azadiyê ya ku ji bo azadiya Rêberê Gelê Kurd Abdullah Ocalan li bajarê Strasbourg a Fransayê li pêşiya Konseya Ewropayê (KE) hatibû destpêkirin, di hefteya 388’emîn de bi dewrgirtina komeke nû, vê hefteyê de jî dom kir. Di hefteya bihurî de ku komeke ji bajarê Heilbornn a Almanyayê nobed dewr girtibû. Vê hefteyê jî kurdistaniyên bi navên Seadet Kuran ê ji bajarê Bern ê Îsvîçreyê û Erhan Aktay û Zeydîn Argin ên ji bajarê Strasbourgê dewr girtin.
Kurdên welatparêz ên li Strasbourgê hin rojan destekê didin çalakgeran. Çalakvanan têkildarî mijarê daxuyaniyek dan û gotin; ‘Çalakiya ji bo azadiya Serokatiyê ev 8 salin didome. Ji bo Rêbertî dê tu carî ji çalakiya nobedê gav bi paş ve neyê avêtin. Çawa ku PKK dîroka berxwedanê ye, em jî dê li ser vê mîrateyê li ber xwe bidin. Her wiha em 42’yemîn salvegera damezirandina PKK’ê jî silav dikin. Ji bo kesên PKK ava kirine û niha li ber xwe didin soza me heye. Heta Rêberê me azad nebe em ê li ber xwe bidin.”
Nobeda azadiyê ya li pêşiya KE’yê 25 Tîrmeha 2012’an dest pê kiribû. Çalakiya nobedê ji wê dîrokê heta niha bênavber didome. STRASBOURG
