Dozgerîya Komarî ya Stenbolî 24 saetan pêvînayîşê avûkatan rojnamegeranê Ajansê Mezopotamya (MA) Sadiye Eser û Sadik Topaloglu qedexe kerde
Şewa verên badê ke rojnamegerê Ajansê Mezopotamya (MA) Sadiye Eser û Sadik Topaloglu ajans ra vejîyayî ameyî tepiştene. Eser û Topaloglu nika Mudirîya Polîsan ya Stenbolî de yenî tepiştene. Polîsan badê ke Eser û Topalogluyî tepiştî, eştî keyeyanê înan ser û keyeyan de cigêrayîş kerdî. Berê keyeyê Topalogluyî şikitî û kewtî zerre. Polîsan wextê cigêrayîşî de heme eşyayê keyeyî dayî têmîyan. Sadiye Eser û Sadik Topalogluyî hema zî binê çiman de yî. Avûkatê ajansî seba ke rojnamegeran reyde pêvînayîş bikerî û sebebê tepiştişî bimusî şîyî Mudirîya Polîsan ya Stenbolî. Polîsan avûkatanê ke waştî Şûbeyê TEMî yê Stenbolî de Eser û Topalogluyî reyde pêvînayîş pê bîyarî vatî ‘Çarçeweya tehqîqatê Dozgerîya Komarî ya Stenbolî de ameyî tepiştene û heta 24 saetan qedexeyê pêvînayîşê avûkatan esto.’ Sewbîna bi mehneya derheqê dosya de qerarê ‘nimitişî’ esto destûr nêdayî ke avûkatî biewnî dosya û sebebê tepiştişî bimusî. STENBOL
